Vefsíða búin til með Dreamweaver

Við sýnum hvernig vefsíðan www.totamaja.is var sett upp í Dreamweaver og birt á vefnum. Kennslan er í 5 hlutum og tekur samtals u.þ.b. 20 mínútur. Með því að styðjast við sýnikennsluna eiga allir að geta sett upp eigin vefsíðu. Dreamweaver er eitt af helstu vefsíðugerðarforritunum á markaðinum.

Byrjendanámskeið í Word

Fram að þessu höfum við fyrst og fremst boðið upp á skýringar við einstaka atriðum sem notendur hafa þurft hjálp við. Nú ætlum við hins vegar að auka þjónustu við notendur vefsins og bjóða upp á námskeið miðuð eftir getu. Fyrsta námskeiðið er í Word fyrir byrjendur.

Outlook - Undirskrift

Með því að láta Outlook búa sjálfkrafa til undirskrift og þurfa ekki að skrifa í hvert skipti kveðju, nafn, heimilisfang, fyrirtæki og fleira má spara umtalsverðan tíma. Við sýnum hvernig það er gert í þessari sýnikennslu sem tekur 2 mínútur og 10 sekúndur.

 

Word - Atriðaorðaskrá

Það er orðin sjálfsögð krafa í útgáfu rita í dag að láta fylgja með atriðaorðaskrá fari þau upp yfir ákveðinn blaðsíðufjölda. Við sýnum í þessari sýnikennslu hvernig það er gert.

 

Word - Efnisyfirlit

Í dag sýnum við hvernig efnisyfirlit er búið til í Word. Sýnikennslan tekur þrjár mínútur og fjörutíu sekúndur.

 

EXCEL - Breikka dálka

Við sýnum ykkur í þessari sýnikennslu hvernig hægt er með einföldum hætti að breikka dálka í Excel þannig að allur texti sjáist í þeim. Það tekur tæplega tvær mínútur að fara í gegnum sýnikennsluna.

Office 2003 - Myndum breytt - tækjastika

Office 2003 er mjög sveigjanlegt varðandi útlitsmótun. Hægt er m.a. að gera breytingar á myndum sem eru á tækjastikunni. Við skoðum í þessari æfingu sem tekur eina mínútu og tuttugu og fimm sekúndur hvernig það er gert.

Word - Sjálfvirk leiðrétting gerð óvirk

Í Word er sjálfvirkt leiðréttingarkerfi, þannig að ef orð er ekki rétt stafsett birtist rautt strik undir því og grænt ef það er málfræðivilla. Leiðréttingarkerfið er gert fyrir enskan texta. Við íslenskan texta merkir það við öll orð, sem er bæði óþarft og truflandi. Við skoðum hvernig við getum gert leiðréttingarkerfið óvirkt í þessari sýnikennslu sem tekur eina mínútu og þrjátíu sekúndur að fara í gegnum.

Word - Opna og loka skjali

Í dag bjóðum við upp á efni fyrir þá sem eru að stíga sín fyrstu skref í notkun á tölvu og sýnum hvernig skjal er opnað og lokað í Word. Kennsla dagsins tekur eina mínútu og fimmtíu sekúndur.

 

Excel - If fallið - 2. hluti

Í lok síðasta mánaðar kynntum við IF fallið með einföldu dæmi, þar sem með hjálp fallsins var skrifað F fyrir framan þá nemendur sem voru með lægri einkunn en 5,0. Í dag höldum við áfram og látum forritið gefa nemendum einkunnirnar A, B og F allt eftir því hvað þeir fengu í prófinu. Í lok kennslunnar sýnum við annað dæmi þar sem fjórir bókstafir eru notaðir til einkunnargjafar. Það tekur þrjár og hálfa mínútu að fara í gegnum sýnikennslu dagsins.

Word - Nýtt skjal

Við bjóðum í dag upp á kennslu fyrir byrjendur í Word og sýnum hvernig nýtt skjal er búið til. Það tekur eina mínútu og þrjátíu og fimm sekúndur að fara í gegnum kennsluefnið.

Word - forritið opnað

Við sýnum í dag nokkrar leiðir til að opna forritið Word. Sýnikennslan tekur 55 sekúndur.