Eitt af því sem allir sem nota tölvur þurfa að kunna er er að leita í leitarvélum. Við bjóðum uppá fyrstu kennsluna um leitarvélar og er í henni skoðað hvernig leita má í leitarvélinni Google, en Google er í dag mest notaða leitarvélin á Netinu. Við sýnum hvernig þrengja má leitina og fá þannig fram lista af vefsíðum sem innihalda helst það efni sem við erum að leita eftir.
Við sýnum hvernig hægt er að velja hve margar niðurstöður birtast í einu þegar leitað er í Google. Sjálfgefið er að 10 niðurstöður birtast, en einnig er hægt að velja 20, 30, 50 og 100.
Sýnt er hvernig Google tækjastika er sett í vafrann Internet Explorer. Með því að hafa tækjastikuna í vafranum þarf ekki lengur að fara sérstaklega inná vefsíðu Google til að leita, heldur er hægt að slá inn leitarorð beint í glugga í vafranum. Frá tækjastikunni er hægt að framkvæma allt það helsta sem í boði er á vefsíðu Google. Kennslubútar eru tveir. Í þeim fyrri er sýnt hvernig tækjastikan frá Google er sett í vafrann og í þeim seinni hvernig tækjastikan er fjarlægð.
Bæta
við tækjastiku ( Install)
Fjarlægja
tækjastiku (Uninstall)
Við skoðum hvernig með hjálp tækjastikunnar frá Google er hægt að koma í veg fyrir að auglýsingagluggar spretti fram.
Einn
af valmöguleikum tækjastikunnar frá Gogole er að fylla
sjálfkrafa út
form sem víða þarf að fylla út á vefnum,
t.d. nafn, heimilisfang, síma og netfang. Við sýnum
hvernig skráðar eru upplýsingar í AutoFill á tækjastikunni.
Eftir að upplýsingarnar hafa verið settar inn í eitt
skipti þarf ekki annað en að smella á takka til
að fylla út form á Netinu.
Við sýnum hvernig hægt er að fjarlægja tækjastikuna án þess að eyða henni. Með því er hægt að kalla hana fram aftur þegar þörf er á.
Í þessari sýnikennslu er sýnt hvernig nota má Google sem reiknivél.